ಬುಧವಾರ, ಡಿಸೆಂಬರ್ 14, 2011

""ಜಂಗಮಗಂಟೆಯಲ್ಲಿ ಭೂತ ಭಾಗ ೩""



ನಮಸ್ಕಾರ ಸ್ನೆಹಿತರೇ....
ಇದು "ಜಂಗಮಗಂಟೆಯಲ್ಲಿ ಭೂತ"ದ ಮುಂದುವರೆದ ಭಾಗ..
   ಇದು ಮೊದಲೆರಡು ಸಂಚಿಕೆಗಿಂತ ಭಿನ್ನ ಹಾಗು ಭಯಾನಕವಾಗಿಸಲು ಪ್ರಯತ್ನಿಸಿದ್ದೇನೆ..

ಇಲ್ಲಿಂದ,,:>>

ಆ ಅನಾಮಿಕ ಧ್ವನಿ ಅಷ್ಟೊಂದು ಹೆದರಿಸಿದರೂ, ಏನೋ ಒಂದು ಭಂಡ ಧೈರ್ಯದಿಂದ ನಿದ್ದೆಗೆ ಶರಣಾದೆ..

ಮುಂದೆ,,,

ಸುಖನಿದ್ರೇಲಿ ಮುಗುಳ್ನಗುತ್ತಿದ್ದಂತೆ ಕಾಣುವಂತೆ ಮಲಗಿದ್ದ ರಮೇಶನ ಮೊಬೈಲ್ ಇದ್ದಕ್ಕಿದ್ದಂತೆ ಅರಚಾಡಲು ಶುರುಮಾಡಿತು. ಎಷ್ಟೋ ವರ್ಷ ತಪಸ್ಸಿನಿಂದ ಏಳೋರಂತೆ ಎದ್ದು ಮೆಲ್ಲಗೆ ಗಡಿಯಾರ ನೋಡಿದ. ಸಮಯ 5 ಗಂಟೆ ಆಗಿತ್ತು. ಬೆಳಬೆಳಿಗ್ಗೆ ಯಾರಪ್ಪ ಅಂತ ಪೋನ್ ರಿಸೀವ್ ಮಾಡಿದ. ಒಂದು ಇಂಪಾದ ಗೀತೆ ಈ ಹಾಡನ್ನ ನಿಮ್ಮ ಕಾಲರ್ ಟ್ಯೂನ ಮಾಡಿಕೊಳ್ಳಲು ಒಂದು ಒತ್ತಿ ಅಂತ ಮದುರ ಕಂಟದ ದ್ವನಿ ಕೇಳಿತು. ಕಾಲ್ ಕಟ್ ಮಾಡಿದ. ಮಲಗೋಣ ಅಂತ ತಯಾರಾದ ಯಾಕೋ ನನ್ನ ನೆನಪಾಗಿ ರೂಮ್ ಗೆ ಬಂದ
    ನಾನಿರದಿದ್ದನ್ನು ಕಂಡು ಒಮ್ಮೆ ದಂಗಾದ. ಮನೆಯೆಲ್ಲಾ ಹುಡುಕಿ ನಂತರ ಮನೆ ಟಾರಸಿ ಮೇಲೆ ಎಚ್ಚರ ತಪ್ಪಿ ಬಿದ್ದಿದ್ದ ನನ್ನ ಎಬ್ಬಸಿದ..
ನಾನು ಒಮ್ಮೆಲೆ ಗಾಬರಿಯಿಂದ ಎದ್ದು 'ಬೇಡ ನನ್ನ ಏನೂ ಮಾಡಬೇಡ ನಿನಗೆ ಏನ್ ಬೇಕೋ ಕೊಡ್ತೀನಿ ನನ್ನ ಬಿಟ್ಟು ಬಿಡು' ಅಂತ ಹೇಳೋಕೆ ಶುರುಮಾಡಿದೆ. ನನ್ನ ನೋಡಿ ಅವನು ಗಾಬರಿಯಾಗಿ, 'ಏನಾಯ್ತೋ ನಾನ್ ಕಣೋ ರಮೆಶಾ' ಅಂದ.
ಕೊಂಚ ಚೇತರಿಸಿಕೊಂಡು, ಅದು.. ಅದು.. ಅಂತ ತೊದಲೋಕೆ ಶುರು ಮಾಡಿದೆ. 'ಏನಾಯ್ತು ಹೇಳೊ..' ಅಂದ ರಮೆಶ..

  ಆಗ ನಾನು.. "ರಾತ್ರಿ ಮಲಗಿದ್ದೆ ನಿದ್ದೆನೂ ಬಂದಿತ್ತು, ಸಡನ್ನಾಗಿ ಏನೋ ಸೌಂಡ್ ಆಯ್ತು ನಾನು ಇಲಿಗಳಿರ್ಬಹುದು ಅಂತ ಸುಮ್ನಾದೆ. ಸ್ವಲ್ಪೊತ್ತಿನ ನಂತ್ರ, ಮೈಮೇಲೆ ಏನೊ ಹರಿದಾಡಿದ ಹಾಗೆ ಆಯ್ತು,
ಮೊದ್ಲೇ ಹೆದರಿದ್ದ ನಂಗೆ ನಿದ್ದೆ ಎಲ್ಲೋ ಮಾಯವಾಗಿ ಎಚ್ಚರವಾಯ್ತು, ಆಗ mostly 12-12:30 ಆಗಿತ್ತು ಅನ್ಸುತ್ತೆ..ನಾನು ಬೆಡ್ ಲೈಟ್ ಆನ್ ಮಾಡಿ ನೋಡಿದಾಗ ಉಸಿರೇ ನಿಂತಂತಾಗಿತ್ತು. ಯಾಕಂದ್ರೆ ನಾನು ಮಧ್ಯಾಹ್ನ ಮೋರಿಯಲ್ಲಿ ಬಿಸಾಕಿದ ಮೊಬೈಲ್ ನನ್ನ body ಮೇಲೆ ಬ್ರೇಕ್ ಡ್ಯಾನ್ಸ್ ಮಾಡ್ತಿತ್ತು..!!:(

ಅಷ್ಟರಲ್ಲಿ ರಮೇಶ ಜೋರಾಗಿ ನಗುತ್ತಾ "ಸಕತ್ತಾಗಿ ಕಾಮಿಡಿ ಮಾಡ್ತ್ಯಾ" ಅಂದ..

    ನಾನು ಕೋಪದಿಂದ,, "ನಾನಿಲ್ಲಿ ಹೆದ್ರ್ಕೊಂಡು ಸಾಯ್ತಿದಿನಿ ನಿಂಗೆ ಕಾಮಿಡಿ ಥರ ಕಾಣುತ್ತಾ" ಅಂತ ಬೈದೆ. ಅದಕ್ಕೆ ರಮೇಶ್ "ಒಕೆ ಒಕೆ ಮುಂದೇನಾಯ್ತು..?"
ನಾನು  ಭಯದಿಂದ ಏನ್ಮಾಡ್ಬೇಕು ಅಂತ ತಿಳಿದೇ, ಅಲ್ಲಿಂದ ಓಡೋಕೆ ಶುರು ಮಾಡ್ದೆ.. ಇಡೀ ಮನೆ ಸುತ್ತು ಹಾಕಿದಿನಿ ಗೊತ್ತಾ..? ನೀನು ನಂಬ್ತಿಯೊ ಇಲ್ವೊ ಗೊತ್ತಿಲ್ಲ್ಲಾ ಒಳ್ಳೆ ಅಥ್ಲೇಟಿಕ್ ಚಾಂಪಿಯನ್ ಥರ ನನ್ನ ಹಿಂದೆ ಓಡಿ ಬರ್ತಿತ್ತು. ಆಮೇಲೆ ಎಲ್ಲೂ ಜಾಗ ಸಿಗ್ದೇ ಟೆರೆಸ್ ಮೇಲೆ ಹೋಗೋಣಾಂತ ಓಡಿಬಂದೆ ಬರುವಾಗ ಮೆಟ್ಲಿಗೆ ಕಾಲು ತಾಗಿ ಎಡವಿ ಬಿದ್ದೆ, ಅಷ್ಟೆ ಅದು ನನ್ನ ಎದೆ ಮೇಲೆ ಹಾರಿಬಂದು ಕುಳಿತುಕೊಂಡಿತು.
one more thing ಹೇಳೋಕೆ ಮರ್ತಿದ್ದೆ,ಆ ಮೊಬೈಲ್ ಗೆ 2 ಕಾಲು 4ಕೈ ಇತ್ತು. ಕೀಪ್ಯಾಡ್ ಪೂರ್ತಿ ಕೆಂಪಾಗಿತ್ತು. ಕ್ಯಾಮೆರಾ ಲೆನ್ಸಿಂದ ಏನೋ ಒಂಥರಾ ರೆಡ್ ಕಲರ್ ಲಿಕ್ವಿಡ್ ಸುರಿತಾ ಇತ್ತು. ಸ್ಪೀಕರಿಂದ ವಿಕಾರವಾಗಿ ನಗೋ ಸೌಂಡ್ ಬರ್ತಿತ್ತು..
ಇದೆಲ್ಲಾ ಹೊರರ್ ಫಿಲ್ಮ್ ಅಲ್ಲಿ ನೋಡಿ ನಗ್ತಿದ್ದ ನಂಗೆ ಎದುರಲ್ಲಿ ರಿಯಲ್ಲಾಗಿ ನೋಡ್ತಿದ್ದ ನನ್ನ heart ಕೈಗೆ ಬಂದಂತಾಯ್ತು..
ಆಗ ಅದು ಮಾತಾಡೋಕೆ ಶುರುಮಾಡ್ತು. ""ಹಾಯ್ ಫ್ರೆಂಡ್  ನಾನ್ ಹೇಳಿದ್ದು ಮರೆತೋಯ್ತಾ.?ಇವತ್ತು ನಿನ್ನ ಕೊನೇ ದಿನ ಅಂತಾ ಹೇಳಿರ್ಲಿಲ್ವಾ.? oh sory ma dear freind..  ನಾವಿಬ್ರೂ ಮೀಟ್ ಮಾಡಿ ತುಂಬಾ ಟೈಮ್ ಆಯ್ತಲ್ವಾ ಅದ್ಕೆ ಸರ್ ಇಂದ ಫ್ರೆಂಡ್ ಗೆ ಪ್ರಮೋಶನ್ ತಗೊಂಡಿದಿನಿ.. ಅದ್ಬಿಟ್ಟಾಕು ಇನ್ನರ್ಧ ಗಂಟೆ ಮಾತ್ರ ಬ್ಯಾಲೆನ್ಸ್ ಇರೋದು, ಯಾವ್ಯಾವ್ god ಹತ್ರ pray ಮಾಡ್ಬೇಕು ಅಂತಿದ್ಯೋ ಎಲ್ಲಾ ಪಟಾಪಟ್ ಮುಗಿಸ್ಕೊಂಡ್ಬಿಡು.. finaly today is urs last day so,, 1st ಕಾಲಿನ ಬೆರಳಿಂದ start ಮಾಡ್ತಿನಿ"" ಅಂತ ಹೇಳಿದಾಕ್ಷಣ ನನ್ನ ಕಾಲ್ಬೆರಳು ಶಾರ್ಪ್ ಚಾಕುವಿನಿಂದ ಕಟ್ ಮಾಡಿದ ಕ್ಯಾರೆಟ್ ಥರ ತುಂಡಾಗಿ ಬಿತ್ತು, ಆಗ ನಾನು ಜೋರಾಗಿ ಕಿರುಚಿದೆ.ಆಗ ನಂಗೆ ಭಯದಲ್ಲೂ ಕ್ಯೂರಾಸಿಟಿ ಮೂಡಿತ್ತು, ಯಾಕಂದ್ರೆ, ಅಷ್ಟು ಜೋರಾಗಿ ಕಿರುಚ್ತಾ ಇದ್ರೂ ನನ್ನ ವಾಯ್ಸ್ ನಂಗೇ ಕೇಳಿಸುತ್ತಿರಲಿಲ್ಲಾ, ಆ ಧ್ವನಿ ನನ್ನ ಒಂದೊಂದೇ ಪಾರ್ಟ್ ಹೆಸ್ರು ಹೇಳಿದಾಕ್ಷಣ ಆ ಪಾರ್ಟ್ ತುಂಡಾಗಿ ಬೀಳುತ್ತಿತ್ತು,,
(ಕಾಲು, ಕೈ, ಹೊಟ್ಟೆಯೊಳಗಿನ ಕರಳು, ಕಣ್ಣು, ಕಿವಿ, ಕೊನೆಗೆ ನನ್ನ ತಲೆಯೊಳಗಿನ ಮೆದುಳು ಕೂಡ,) ಆದರೂ ನನ್ನಲ್ಲಿ ತ್ರಾಣ ಹಾಗೆ ಇತ್ತು. ನಾನಾಗ ಮತ್ತೊಂದ್ಸಲ ಜೋರಾಗಿ ಕೂಗಿದೆ, ಆಗ ಏನೂ ಇರಲಿಲ್ಲ ಅಷ್ಟರಲ್ಲಿ ನಂಗೆ ತಲೆ ಸುತ್ತಿದಂತಾಗಿ ಇಲ್ಲೇ ಬಿದ್ದೆ..""

ಆಗ ರಮೇಶ,, "ಹೊಗಲೋ ಪುಕಲಾ..! ಎಲ್ಲೋ ಕನಸು ಕಂಡು ಹೆದರಿದ್ದೀಯ ಮೊಬೈಲ್ ಗೆ ಕೈ ಕಾಲಂತೆ ಬಾಯಂತೆ ಯಾರತ್ರ ಹೇಳ್ತೀಯ ಕಥೇನಾ.? ನಡಿ ನಡಿ ಮುಖ ತೊಳ್ಕೊ ತಿಂಡಿ ತಿನ್ನೋಕೆ ಹೋಟೆಲ್ ಗೆ ಹೋಗೋಣ" ಅಂತ ಹೇಳ್ತಾ ಇದ್ದಾಗ ರಮೇಶನ ಮೊಬೈಲ್ ಮತ್ತೆ ಬಡ್ಕೊಳೋಕೆ ಶುರುವಾಯ್ತು..

ಆಗ ರಮೇಶ "ಈ ಕಂಪನಿಗಳಿಗೆ ಬೇರೆ ಕೆಲ್ಸಾನೇ ಇಲ್ಲ ಅನ್ಸುತ್ತೆ" ಅಂತ ಗೊಣಗಿ ಕಾಲ್ ರಿಸೀವ್ ಮಾಡ್ದ ಆಗ ಮತ್ತದೇ ದ್ವನಿ.. ತಂತಾನೇ ಸ್ಪೀಕರ್ ಆನ್ ಆಯಿತು. ""HAI FRND ಏನ್ ಕನಸು ಅಂದುಕೊಂಡ್ಯಾ no dis is 100% true ಅವನು ಹೇಳಿದ್ದು ಎಲ್ಲಾ ನಿಜ ನಾನು ಸಾಯಿಸೋಕೆ ಅಂತಾನೇ ಬಂದಿದ್ದೆ ಆದರೆ,""
ಅಂತ ಹೇಳ್ತಿದ್ದಾಗ, ನಾನು ಮೊಬೈಲ್ ಕಸಿದುಕೊಂಡು, "ಏನ್ ಬೇಕಾದ್ರೂ ಮಾಡ್ಕೊ" ಅಂತ ಹೇಳಿ ಮೊಬೈಲ್ ಬಿಸಾಕಿದೆ..

ಆದರೆ ಇನ್ನೊಂದು ಆಶ್ಚರ್ಯ ಏನಪ್ಪಾಂದ್ರೆ ಆ ಧ್ವನಿ ಈಸಲ ಬರೀ ಕಂಗ್ಲೀಷ್ ಭಾಷೆ ಮಾತ್ರ ಬಳಸಿತ್ತು..!! ಬೇರೆ ಇನ್ಯಾವ ಭಾಷೆನೂ ಮಾತಾಡಲಿಲ್ಲ.

 ಆಗ ರಮೇಶ,, "ಇದು ದೆವ್ವದ ಕಾಟ ಇರಬೇಕು ನಂಗೆ ಗೊತ್ತಿರೋ ಮಲಯಾಳಿ ಮಂತ್ರವಾದಿ ಹತ್ರ ಹೋಗೋಣ" ಅಂದ. ನಂಗೆ ಇದರಲೆಲ್ಲ ನಂಬಿಕೆ ಇಲ್ಲದಿದ್ರೂ, ಮನಸ್ಸಿಗೆ ತುಂಬಾ ಹೆದರಿಕೆ ಆಗಿದ್ದರಿಂದ ಒಪ್ಕೊಂಡೆ..
ರಮೇಶ ಬೈಕ್ ಓಡ್ಸೋಕು ಭಯ ಅಂದ. ಸೋ ನಾನೇ ಬೈಕ್ ಓಡಿಸ್ಕೊಂಡು ಮಂತ್ರವಾದಿ ಮನೆಗೆ ಹೊದ್ವಿ

    ನಮ್ಮನ್ನ ನೋಡಿ, ಮಂತ್ರವಾದಿ ಮಲಯಾಳಂನಲ್ಲಿ ಏನೋ ಹೇಳಿದ, ನಂಗೆ ಪೂರ್ತಿ ಅರ್ಥ ಆಗ್ಲಿಲ್ಲ, ಅದು ಅವನಿಗೆ ಗೊತ್ತಾಗಿ which language.? ಅಂತ ಕೇಳ್ದ. 'ಕನ್ನಡ' ಅಂದ್ವಿ..
'ಮೊದಲು ಸ್ನಾನ ಮಾಡಿ ಬನ್ನಿ' ಅಂತ ಬಾವಿ ತೋರಿಸಿದ, ನಾವಿಬ್ಬರೂ ಆ ಬಾವಿಯ ಬಳಿ ಇದ್ದ ಬಿಂದಿಗೆಯಿಂದ ನೀರೇತ್ತಿಕೊಂಡು ಶಾಸ್ತ್ರಕ್ಕೆ ಸ್ನಾನ ಮಾಡಿಕೊಂಡು ಬಂದು ಅವನ ಎದುರಲ್ಲಿ ಕೂತ್ಕೋಂಡ್ವಿ..
ಆ ಮಂತ್ರವಾದಿ ಬಾಯಲ್ಲ್ಲಿ ಏನೇನೋ ಮಂತ್ರ ಬಣಗುಡಿಸಿ, ""ಇದೆ ಇಲ್ಲೊಂದು ಸಮಸ್ಯೆ ಇದೆ"" ಅಂತಾ ಆಪ್ತಮಿತ್ರ ಅವಿನಾಶ್ ಸ್ಟೈಲಲ್ಲಿ ಹೇಳಿದ,, ನನಗೆ ಅಂತಾ ಸೀರಿಯಸ್ ಮೂಮೆಂಟಲ್ಲೂ ನಗು ತಡೆಯಲಾರದೇ, "ಸಮಸ್ಯೆ ಇಲ್ಲಲ್ಲ್ಲಾ ಸ್ವಾಮಿ ನನ್ನ ಮೊಬೈಲಲ್ಲಿರೋದು" ಅಂದೆ.

ಅದಕ್ಕವನು 'ಸರಿ ಆ ಜಂಗಮವಾಣಿಯನ್ನು ಕೊಡಿ" ಅಂದ. ಆಗ ನನ್ನ ಮುಖ ಸಪ್ಪೆಯಾಯಿತು, ಯಾಕಂದ್ರೆ ನಾವು ಕೋಪದಲ್ಲಿ ಬೀಸಾಡಿದ್ದ ಮೊಬೈಲ್ ಅನ್ನು ತರಲು ಮರೆತಿದ್ದೆ, ಆ ಮಂತ್ರವಾದಿ ನನ್ನ ಮುಖ ನೋಡಿ ಮೊಬೈಲ್ ಕೊಡುವಂತೆ ಮತ್ತೊಮ್ಮೆ ಸನ್ನೆ ಮಾಡಿದ.ಆಗ ರಮೇಶ "ಕ್ಷಮಿಸಿ.. ಗಾಬರಿಯಲ್ಲಿ ಪೋನ್ ತರೊದನ್ನ ಮರ್ತುಬಿಟ್ಟಿದ್ದಿವಿ ನಾನು ಹೋಗಿ ತರ್ತಿನಿ" ಅಂತ ಹೊರಟಾಗ,, ""ಆ ತೊಂದ್ರೆ ನಿಮಗೆ ಬೇಡಾ ಅಂತಾ ನಾನೇ ಇಲ್ಲಿಗೆ ಬಂದೆ"" ಅಂತಾ ಹಳೇ ಫಿಲ್ಮ್ ವಿಲನ್ ಥರ ನೆಡ್ಕೊಂಡು ಬರ್ತಾ ಇರೊ ನನ್ನ ಮೊಬೈಲನ್ನು ನೋಡಿ, ನಮಗಿಂತ ಜಾಸ್ತಿ ಆ ಮಂತ್ರವಾದಿಗೆ ಹೆದರಿಕೆಯಾಗಿ 'ನಖಶಿಖಾಂತ' ನಡುಗುತಿದ್ದ್ದ.............


ಕ್ಷಮಿಸಿ ಸ್ನೇಹಿತರೇ.. to be continued.....:)

2 ಕಾಮೆಂಟ್‌ಗಳು: